«Теңдік уақыты» тақырыбында семинар сабағы

Ағымдағы жылдың 22 - ші қараша күні «Болашақ» университетінің жоғары колледжі мен «Болашақ» жоғары медициналық жоғары колледжінде Дүниежүзілік ЖИТС - ке қарсы күрес күніне арналған «Теңдік уақыты» тақырыбында студенттер мен мұғалімдер арасында кездесу, семинар сабағы ұйымдастырылды.

АИТВ инфекциясының алдын алудағы басты шаралардың бірі - салауатты өмір салтын ұстану және ақпараттық білім беру. Қазіргі таңда қатерлі дерттен сақтану жолында түсіндірме, ақпараттық - насихаттық жұмыстардың маңызы зор.

ЖИТС - тің алдын алу және оған қарсы күрес жөніндегі Қызылорда облыстық орталығының дәрігер - эпидемиологы С. Сарсенбаева, облыстық жастар денсаулық орталығының валеолог маманы А. Кулмуратованың қатысумен студенттер арасында насихат жұмыстары жүргізілді. АИТВ / ЖИТС дегеніміз не? Оның жұғу, таралу жолдары мен сақтану шаралары жайлы кеңінен мағұлмат беріп, «АИТВ / ВИЧ туралы» видеороликтер көрсетілді, студенттер мен ұстаздар тарапынан қойылған сұрақтарға жауап берілді. Кездесу соңында жасөспірімдерге арналған АИТВ / ЖИТС жөніндегі үнпарақтар мен буклеттер таратылды.

Дәрігер - эпидемиолог С. Сарсенбаева