Өрт сөндіру бөлімінің қызметкерлері ақпараттандырылды

ЖИТС - тің алдын алу және оған қарсы күрес жөніндегі облыстық орталықтың Шиелі ауданындағы филиалының ұйымдастыруымен Дүниежүзілік ЖИТС - ке қарсы күрес күніне орай «Теңдік уақыты» тақырыбында АИТВ / ЖИТС - тің алдын алу мақсатында Шиелі аудандық өрт бөлімі қызметкерлерінің арасында кездесу өткізілді. Іс - шара барысында ЖИТС орталығының маманы Б. Парманқұлов АИТВ / ЖИТС - тің індеттік ахуалы, жұғу жолдары және алдын алу шаралары туралы мәлімет беріп, сұрақ жауап алмасты. Қызметкерлер арасында ерікті түрде АИТВ - ға тестілеу жүргізіліп, ақпараттық парақшалар таратылды.