АИТВ - ның алдын алу «Теңдік уақыты»

ЖИТС - тің алдын алу және оған қарсы күрес жөніндегі облыстық орталықтың Шиелі ауданындағы филиалы мен Бидайкөл ауылындағы №148 мектептің ұйымдастыруымен Дүниежүзілік ЖИТС - ке қарсы күрес күніне орай «Теңдік уақыты» тақырыбында жоғарғы сынып оқушылары арасында АИТВ / ЖИТС - тің алдын алу мақсатында акция өткізілді. Акция барысында ЖИТС орталығының маманы Б.Парманқұлов  АИТВ / ЖИТС - тің індеттік ахуалы, жұғу жолдары және алдын алу шаралары туралы мәлімет берді. Мектеп аяжаны Қ.Күзембаева салауатты өмір салты тақырыбында баяндама жасады. Оқушыларға тақырыптық бейнеролик көрсетіліп, ақпараттық парақшалар таратылды.