2022 жылдың 27-ші ақпанында ЖИТС-тің алдын алу және оған қарсы күрес жөніндегі Қызылорда облыстық орталығының мәжіліс залында облыстық психикалық денсаулық орталығының мамандарының қатысуымен «2021 жылы иньекциялық есірткі тұтынушылардың АИТВ-ға тестілеу көрсеткіштері және 2022жылы тестілеу жұмыстарын жақсарту» тақырыбында бірлескен мәжіліс өткізілді.
Мәжіліс барысында ЖИТС орталығының бөлім меңгерушісі С.Балықбаева АИТВ-инфекциясының республикадағы, облысымыздағы індеттік жағдайына, таралу жолдарына және алдын шараларына, иньекциялық есірткі тұтынушылардың АИТВ-ға тексеру жұмыстарына тоқталды.
Республика бойынша 2021 жылы3478 АИТВ-инфекциясы тіркелген, солардың 23,4 пайызы парентералды жолмен жұқтырған. Облысымызда есепті кезеңде 31 ауру анықталған, парентералды жолмен жұқтыру тіркелмеген, негізінен облысымызда АИТВ-инфекциясын жыныстық жолмен жұқтыру басымды бағыт алғандығы айтылды.
Мәжіліс барасында облыстық психикалық денсаулық орталығында «Д» есепте тұрған иньекциялық есірткі тұтынушылардың АИТВ-ға тексеру жұмыстарының сапасын көтеру, республикалық көрсеткішке жеткізу, халықтың осы осал топтары арасында АИТВ-ның алдын алу бағытында бірлесе атқарылатын жұмыстар бойынша талқылау жүргізіліп, шешім қабылданды.
Бөлім меңгерушісі Балықбаева С.Ш
