Шиелі жастары АИТВ инфекциясы жайлы ақпараттандырылуда
Дүниежүзілік ЖИТС-ке қарсы күрес күніне орай «АИТВ; Әрбірін түсіну» ұранымен өтіп жатқан онкүндік аясында Шиелі ауданы Ә.Тәжібаев ауылы №214 орта мектепте оқушылар мен мұғалімдер арасында АИТВ/ЖИТС-тің алдын алу, салауатты өмір салтын қалыптастыру мақсатында мектеп ұжымының ұйымдастыруымен акция болып өтті. Акция барысында мектеп мейіргері З.Туленова, СПИД орталығының маманы Б.Парманқұлов АИТВ/ЖИТС-тің жұғу жолдары, алдын алу мен сақтану шаралары жайлы түсіндірме жұмыстары жүргізіп, АИТВ/ЖИТС-тің облыс және аудан бойынша індеттік ахуалы жөнінде ақпарат берді. Іс-шара барысында оқушыларға видео роликтер көрсетіліп, сұрақ жауап алмасып, ақпараттық үнпарақтар таратылды.
Б.Парманкулов, эпидемиолог көмекшісі
https://korda-aids.kz/kz/2018-09-21-12-24-32/688-shieli-zhastary-aitv-infektsiyasy-zhajly-a-parattandyryluda#sigFreeId8f4346a4e9
