АИТВ инфекциясының алдын алу шаралары

АИТВ инфекциясының алдын алу шаралары

2021 жылдың 11-ші тамызында  ЖИТС-тің алдын алу және оған қарсы күрес жөніндегі Қызылорда облыстық орталығының мәжіліс залында облыстық психикалық денсаулық орталығының мамандарының  қатысуымен «2021 жылдың 6 айында иньекциялық есірткі тұтынушылардың АИТВ-ға  тестілеу көрсеткіштері және 2021 жылдың 2-ші жартыжылдығында тестілеу жұмыстарын жандандыру» тақырыбында бірлескен мәжіліс өткізілді.

Мәжіліс барысында ЖИТС орталығының бөлім меңгерушісі С.Балықбаева АИТВ-инфекциясының республикадағы, облысымыздағы індеттік жағдайына, таралу жолдарына және алдын алу шараларына, иньекциялық есірткі тұтынушылардың  АИТВ-ға тексеру жұмыстарына  тоқталды.

Республика бойынша 2021 жылдың  6 айында -1741 АИТВ-инфекциясы тіркелген, солардың 23 пайызы парентералды (қан арқылы) жолмен жұқтырған. Облысымызда есепті кезеңде 19 ауру анықталған, парентералды жолмен жұқтыру тіркелмеген, негізінен облысымызда АИТВ-инфекциясын жыныстық жолмен жұқтыру басымды бағыт алғандығы айтылды.

Мәжіліс барысында облыстық психикалық денсаулық орталығында «Д» есепте тұрған иньекциялық есірткі тұтынушылардың АИТВ-ға тексеру жұмыстарының сапасын көтеру, республикалық көрсеткішке жеткізу,  халықтың осы  осал топтары арасында АИТВ-ның алдын алу бағытында бірлесе атқарылатын жұмыстар бойынша талқылау жүргізіліп, шешім қабылданды.

Балықбаева С.Ш