Бүкіләлемдік ЖИТС-ке қарсы күрес күніне арналған «Жаһандық ынтамақтастық- жалпы жауапкершілік» қашықтан сурет салу, эссе жазу, презентация немесе анимация жасау номинациялары бойынша ЖИТС-тің алдын алу және оған қарсы күрес жөніндегі облыстық орталығы мен қалалық білім бөлімінің бейіндік оқыту бөлімі бірлесіп қараша айының 17-18 аралығында мектеп оқушылары арасында онлайн байқау өткізілді.
Байқаудың мақсаты:
Оқушыларға қауіпсіздік пен өмір үшін жауапкершілік сезімін қалыптастыру;
АИТВ инфекциясының отбасына, қоғамға және мектепке тигізетін әсерін түсіндіру;
Оқушыларды қазіргі заманның адамгершілікке жат әдеттерінен сақтандыру;
Балалардың бойына коронавирус инфекциясынан қорғану үшін антисептиктерді пайдалану, бетпердемен жүру, салауатты өмір салтын қалыптастыру;
Баланың өзін-өзі шығармашылық жағынан көрсетуіне ықпал ету.
Байқау номинациялары мен қатысушылардың жас ерекшеліктері
Сурет салу номинациясы бойынша 9-10 жас аралығындағы оқушылар;
Эссе жазу номинациясы бойынша 11-13 жас аралығындағы оқушылар;
Презентация немесе анимация жасау номинациясы бойынша 14-16 жас аралығындағы оқушылар болды. Барлығы 72 оқушы қатысты.
Қатысушылардың жұмыстары жас ерекшелігі бойынша бөлек бағаланды.
Қорытындысы бойынша оқушылар диплом алғыс хаттармен марапатталды.
ЖИТС орталығының дәрігер әдіскері Ж.Қыстаубаева
https://korda-aids.kz/kz/2018-09-21-12-24-32/540-onlajn-baj-au-orytyndysy-zhariyalandy#sigFreeId3c5392b90a
