Халықтың осал тобы арасында «Салауатты өмір салтын ұстан» атты кездесу

Халықтың осал тобы арасында  «Салауатты өмір салтын ұстан» атты кездесу

ЖИТС-тің алдын алу және оған қарсы күрес жөніндегі Қызылорда облыстық орталығында дәрігер-эпидемиолог Айтмаганбетова Гульзейне Тасхожақызы   ағымдағы жылдың 18 қараша күні халықтың осал топ өкілдері (инъекциялық есірткі тұтынушылар, жыныстық қатынас бизнесі өкілдері, ерлермен жыныстық қатынас жасайтын ерлер) арасында АИТВ-ның  алдын алу жұмыстарын жүргізетін аутрич-қызметкерлердің  қатысуымен семинар-сабақ өткізді. Семинарда АИТВ/ЖИТС-тың әлемдегі, республикадағы, облыстағы індеттік ахуалы, оның жұғу жолдары, сақтану шаралары туралы баяндалды, Республика, облыс көлемінде «Жаһандық ынтымақтастық, ортақ жауапкершілік» ұранымен жүргізіліп жатқан Дүниежүзілік ЖИТС-ке қарсы күні аясындағы кампанияның мақсаты мен міндеттері туралы ақпарат берілді.  Сонымен қатар, қазіргі таңда  халықтың осал топ өкілдері арасында АИТВ-ның алдын алу мақсатында  жүзеге асырылып отырған  «Зияндылықты сейілту» бағдарламасының маңызы мен соңғы 10 ай ішіндегі республикадағы, Қызылорда облысындағы АИТВ/ЖИТС-тің эпидемиологиялық жағдайы жөнінде слайдтар және бейнефильмдер көрсетілді.

Іс-шараға қатысушылар тарапынан  жүргізуші  маманға көкейлерінде жүрген сауалдарын қойылып, толық жауап алынды.  Қатысушыларға ақпараттық білім беру материалдары - буклеттер мен үнпарақтар таратылды.

Айтмаганбетова Г., дәрігер-эпидемиолог