ЖИТС-тің алдын алу және оған қарсы күрес жөніндегі облыстық орталығы мамандарының ұйымдастыруымен облыстық жедел жәрдем стансасында "АИТВ инфекциясының алдын алу шаралары", "Экспресс тест" тақырыбтарында семинар сабақ ұйымдастырылды.
Семинардың мақсаты - медицина қызметкерлеріне АИТВ/ЖИТС-тің эпидемиологиялық жағдайы, жұғу жолдары, алдын алу шаралары дискриминация және стигма мәселелері жөнінде ақпарат бере отырып, АИТВ/ЖИТС жөнінде олардың білім деңгейлерін арттыру, аталмыш жұқпадан қорғану үшін өз денсаулықтарына жауапкершлікті арттыруға негізделіп отыр.
Сонымен қатар қазіргі уақытта экспресс-тестілеу немесе АИТВ-ға антидене бар жоқтығын жылдам анықтайтын әдіс бар екендігі сөз болды. Жылдам тестті іс-жүзінде көрсету мақсатында тестілеуде саусақтың терісін арнайы ине-тұтқамен ауыртпай теседі. Капиллярлық қан тамшысы тест-жолаққа ағызылады, 20 минут ішінде қорытындыны көрсетеді. Бірақ айта кететіні, экспресс тестіледің қорытындылары міндетті түрде ИФТ әдісі арқылы расталуы қажет. Семинар соңында сұрақ-жауап алмасып, ақпараттық танымдық материалдар таратылды.
Исмаилова А.Т дәрігер тері-венеролог
https://korda-aids.kz/kz/2018-09-21-12-24-32/448-aitv-zhits-ti-aldyn-alu-sharalaryna-bajlanysty-zhedel-zh-rdem-stansasyny-yzmetkerleri-a-parattandyryldy#sigFreeIda46f43d9fa
