Дүниежүзілік ЖИТС-ке қарсы күрес күні аясында 2019 жылдың 19-шы қарашасында №211 орта мектепте мұғалімдер мен оқушылар арасында кездесу, акция ұйымдастырылды.
Кездесу барысында облыстық ЖИТС орталығының дәрігер -эпидемиологы Г.Айтмаганбетова республика, облыс көлемінде АИТВ/ЖИТС-тің қазіргі таңдағы індеттік ахуалы, жұғу жолдары, алдын-алу және денсаулыққа байланысты жауапкершілікті арттыру жөнінде ақпараттар беріп, жасөспірімдерді зиянды әдеттерден қашық болуға насихаттады. Сонымен қатар, республика, облыс көлемінде «Қауымдастықтың маңызы бар» ұранымен 2019 жылдың 5-ші қарашасы мен 5-ші желтоқсаны арасында ұйымдастырылып жатқан Дүниежүзілік ЖИТС-ке қарсы күрес күніне арналған кампаниясына тоқталып, қазіргі таңда АИТВ-инфекциясын алдын алуда, оның ішінде осы ауруды жұқтыруға бейім топтармен , жастар мен жасөспірімдермен жұмыс жасауда қауымдастықтардың, үкіметтік емес ұйымдардың маңыздылығы мен ролі туралы ақпарат берді. Қатысушылар тарапынан маманға көкейлерінде жүрген сауалдарын қойып, жауап алды. Оларға ақпараттық білім беру материалдары - слайд, бейнефильмдер көрсетілді, жастарға арналған буклеттер мен үнпарақтар таратылды.
Айтмаганбетова Г. дәрігер-эпидемиолог
https://korda-aids.kz/kz/2018-09-21-12-24-32/396-aitv-zhits-tan-alaj-sa-tanu-kerek-ta-yrybynda-kezdesu#sigFreeId48aacdadae
