АИТВ/ЖИТС-тің алдын алу шаралары жалғасуда

Шиелі ауданы Тартоғай елді мекеніндегі Шахмардан Есенов атындағы №153-ші орта мектебінде Бүкіләлемдік ЖИТС-ке ке қарсы күрес Кампаниясын өткізу қарсаңында мұғалімдердің, жоғарғы сынып оқушыларының  АИТВ/ЖИТС мәселелері бойынша ақпараттану деңгейін арттыру АИТВ инфекциясының алдын алуда пәрменді іс қимыл жасау мақсатында ЖИТС-тің алдын алу және оған қарсы күрес жөніндегі облыстық орталықтың Шиелі филиалының маманыоқушылар мен мұғалімдерарасындакездесу ұйымдастырып өткізді.

Іс-шараға мектеп директоры Қ.Әмзеев пікірін білдіріп мұғалімдер мен оқушыларды белсенділікке шақырып, сәттілік тіледі.Мектеп аяжаны А.Рахманбаева іс шараның маңыздылығына тоқталып, білім ордасы бойынша  атқарылып жатқан  жұмыстарды айтып өтті.Іс-шара барысында ЖИТС-тің алдын алу және оған қарсы күрес жөніндегі облыстық орталықтың Шиелі ауданындағы филиалының меңгерушісі  А.Сәдуақас Қазақстан Республикасы Президентінің 2016 жылғы 15 қаңтардағы №176 Жарлығымен бекітілген Қазақстан Республикасы денсаулық сақтау саласын дамытудың 2016-2019 жылдарға арналған «Денсаулық» мемлекеттік бағдарламасының іс-шаралар жоспарын тиімді іске асыру және облыстық Денсаулық сақтау басқармасының 2019 жылғы 10 қазандағы №654 бұйрығы негізінде «Бүкіләлемдік ЖИТС-ке қарсы күрес кампаниясы» аясындатұрғындардың  АИТВ/ЖИТС мәселелері бойынша ақпараттану деңгейін арттыру, АИТВ-инфекциясының алдын-алуда пәрменді іс-қимыл жасау мақсатында   5 қараша мен 5 желтоқсан аралығында облыста «Қоғамдастықтың маңызы»  тақырыбымен   Бүкіләлемдік АИТВ/ЖИТС-ке қарсы күрес кампаниясы өтетініне тоқталып, жұқтырылған ауруды емдеуге қарағанда, АИТВ-ны жұқтырудан сақтану анағұрлым пайдалы және тиімді екенін айтты.

Сонымен қатар Республикамыздағы, облыстағы және аудандағы  індеттік ахуал туралы салыстырмалы көрсеткіштерді мәлімдеді. Іс шара соңында қатысушылармен пікір алмасып,қойылған сұрақтарына жауап берді, видио ролик көрсетілді, көрнекті құралдар,парақшалар таратылды.

ЖИТС-тің алдын-алу және оған қарсы күрес жөніндегі облыстық  орталықтың Шиелі ауданындағы

филиал  меңгерушісі: А.Я.Сәдуақас