2025 жылдың 27 тамызы күні Қызылорда облыстық АИТВ инфекциясының алдын алу орталығының Қармақшы ауданына қарасты психоәлеуметтік кеңес беру кабинетінің ұйымдастыруымен, аудандық жастар денсаулығы мен салауатты өмір салтын қалыптастыру орталығы мамандарымен бірлесіп, Қармақшы аудандық емханасына келуші тұрғындар арасында «АИТВ-ның алдын алу» тақырыбында ашық есік күні өткізілді.
Іс-шараның басты мақсаты, аудан тұрғындары арасында АИТВ инфекциясының алдын-алу, аурудың жұғу, таралу жолдары, салауатты өмір салтын қалыптастыру мен отбасын жоспарлау, репродуктивтік денсаулық, жыныстық жолмен жұғатын инфекциялардың алдын-алу туралы толық ақпарат беру.
Осы күні емхана дәлізіндегі теледидар арқылы «АИТВ/ЖИТС-тің алдын алуға» бағытталған видеокөрсетілім айналымы қойылды. Емхана келушілеріне, Қызылорда облыстық АИТВ инфекциясының алдын алу орталығының Қармақшы ауданына қарасты психоәлеуметтік кеңес беру кабинетінде тегін медициналық көмектің кепілдік берілген көлемі шеңберінде, АИТВ инфекциясына ерікті түрде, анонимдік және құпия медициналық тексеріліп-қаралуына, кеңес алуына және ем алуға құқылы екені айтылды.
Іс-шара барысында, тұрғындарға парақшалар мен жаднамалар таратылып, түсіндірме жұмыстары жүргізілді.
https://korda-aids.kz/kz/2018-09-21-12-24-32/1481-ashy-esik-k-ni-tti#sigFreeId2353e78f31
