2025 жылдың тамыз айының 21-і күні Қызылорда облыстық АИТВ инфекциясының алдын алу орталығының Шиелі ауданы филиалының ұйымдастыруымен, Шиелі кентіне қарасты «Семізбай-U» ЖШС мекеме қызметкерлері арасында «АИТВ инфекциясының алдын алу жолдары» тақырыбында кездесу өткізілді. Кездесу барысында, аудандық филиалының маманы Т.Досаев АИТВ инфекциясының жалпы індеттік ахуалы жайлы ақпарат беріп, АИТВ-ның жұқтыру жолдары, аурудың алдын алуда және салауатты өмір салтын қалыптастыру туралы толық ақпарат берілді. АИТВ инфекциясының алдын-алу мақсатында аудан көлемінде атқарылып жатқан іс-шаралар барысына тоқталды.
«Халық денсаулығы және денсаулық сақтау жүйесі туралы» Қазақстан Республикасының 2020 жылғы 7 шiлдедегi № 360-VI ҚРЗ 162 бабына сәйкес, Қазақстан Республикасы азаматтары, қандастар және өзге де тұлғалар барлық өңірлерде орналасқан АИТВ инфекциясының алдын-алу орталықтарында тегін медициналық көмектің кепілдік берілген көлемі шеңберінде, АИТВ инфекциясы мәселелері бойынша ерікті түрде, анонимдік және құпия медициналық зерттеп-қаралуға, консультация және қажеттілігіне қарай ем алуға құқылы екені айтылды.
Әрі қарай қатысушылар өз пікірлерін білдіріп, сұрақ-жауап алмасуымен қорытындыланды. Кездесу соңында, «Семізбай-U» ЖШС қызметкерлеріне АИТВ инфекциясының алдын алуға бағытталған парақшалар, жаднамалар мен плакаттар таратылды.
https://korda-aids.kz/kz/2018-09-21-12-24-32/1479-semizbaj-u-zhshs-mekeme-yzmetkerlerimen-kezdesu#sigFreeIdb9282a3f82
