2025 жылдың 15-ші тамызында Қызылорда облыстық АИТВ инфекциясының алдын алу орталығының ұйымдастыруымен қалалық орталық емханасының мәжіліс залында қалалық емдеу және алдын алу мекемелерінің АИТВ инфекциясына қан алатын, тасымалдайтын жауапты медициналық қызметкерлер арасында семинар-сабақ ұйымдастырылды.
Семинар барысында эпидемиологиялық қадағалау бөлімінің меңгерушісі С.Балыкбаева АИТВ-инфекциясының облыс, республика көлеміндегі эпидемиологиялық жағдайы, таралу жолдары мен алдын алу шаралары мен биологиялық заттар мен материалдарды сақтау және тасымалдау кезінде биологиялық қорғауды қамтамасыз ету тәртібіне тоқталды.
Сонымен қатар, АИТВ орталығының диагностикалық зертхана меңгерушісі А.Аманкараева зерттеулердің преаналитикалық, аналитикалық және постаналитикалық сатылардағы басты назар аударуды қажет ететін өзекті мәселелерді атап өтіп, жиі кездесетін қателіктер мен брак санын азайту жолдарына шолу жасады.
Семинар соңында жедел экспресс тест әдісін жүргізу ережелері практикалық түрде көрсетілді.
https://korda-aids.kz/kz/2018-09-21-12-24-32/1473-biologiyaly-auipsizdikti-amtamasyz-etu-aitv-infektsiyasyny-aldyn-alu-sharalaryny-ma-yzdy-b-ligi#sigFreeIda659ff5b61
