Қызылорда облыстық АИТВ инфекциясының алдын алу орталығы мамандарының ұйымдастыруымен Облыстық денсаулық сақтау басқармасымен 2025 жылға бекітілген АИТВ инфекциясының алдын алу орталығының жылдық жоспарына сәйкес «2024 жылы иньекциялық есірткі тұтынушылардың АИТВ - ға тексеру және 2025 жылға жұмыстарды жақсарту» мәселелері бойынша облыстық психикалық денсаулық орталығымен бірлескен мәжіліс өткізілді.
Бірлескен мәжіліс барысында АИТВ - инфекциясы бойынша Республикадағы, облысымыздағы эпидемиологиялық жағдай, оның ішінде АИТВ - инфекциясының парентералды жолмен таралуына толықтай талдау жасалды. 2024 жылы ҚР ДСМ - нің 27.11.2020ж. №211 бұйрығына сәйкес облыстық психикалық денсаулық орталықтарында есепте тұрған иньекциялық есірткі тұтынушылар жылына 2 рет АИТВ - инфекциясына толықтай тексерілген.
Облыс бойынша АИТВ - инфекциясының парентералды жолмен таралуының алдын алу үшін облыстық психикалық денсаулық орталығымен жаңадан есепке алынған және осы диагнозбен есепте тұрған иньекциялық есірткі тұтынушыларды АИТВ - инфекциясына уақытылы тексеруді әрі қарай жалғастыру бойынша ұсыныстар беріліп, осы бағыттағы жұмыстарды бірлесе атқару бойынша шешім қабылданды.
Эпидемиологиялық бөлім меңгерушісі
С.Балыкбаева
