Қызылорда қаласы Смағұл Ысқақов атындағы «Қызылорда құрылыс және бизнес» колледжінде студенттер арасында АИТВ-инфекциясы туралы түсіндірме жұмыстары жүргізілді. Кездесу барысында АИТВ-инфекциясының эпидемиологиялық ахуалы, жұғу жолдары, алдын алу, сақтану шаралары туралы толық ақпарат берілді. АИТВ/ЖИТС-ке қарсы күресте кедергі болатын теңсіздік мәселесімен қарсы күреске шақырылды. АИТВ-инфекциясының әлі де өзекті екендігін халыққа жеткізу, стигма мен кемсітушілікті жою бағытында жұмыс жасау жайлары айтылды. Сонымен қатар, республика және облыс көлемінде «Адам құқықтары жолын дұрыс таңдаңыз!» тақырыбында жүргізіліп жатқан Дүние жүзілік ЖИТС-ке қарсы күрес күніне арналған Кампанияның мақсаты, міндеттері туралы мәліметтер берілді. Колледж оқытушылары мен студенттері тарапынан сауалдар қойылды, бейне роликтер көрсетіліп, буклеттер мен үн парақтар таратылды. Қойылған сұрақтарға толық жауаптар берілді. Дәрігер эпидемиолог А.Садвакасова
https://korda-aids.kz/kz/2018-09-21-12-24-32/1340-bilim-beru-salasynda-aitv-infektsiyasyn-aldyn-aluda-tkizilgen-is-shara-turaly-2#sigFreeId1eec25f133
