Шиелі аудандық қоғамдық даму бөлімінің «Жастар ресурстық орталығы» КММ-нің ұйымдастыруымен «Салауатты өмір салтын насихаттау және жастар шығармашылығын дамыту» әлеуметтік қызметі жобасы аясында ұйымдастыруымен аудан жастарының арасында «ШИЕЛІ МАРАФОН – 2024» марафоны өтті.
Аталған марафонның мақсаты жастар арасында салауатты өмір салтын қалыптастыру және ауданымызда бұқаралық спортты жандандыру болды.
Шараға Шиелі индустриалды-аграрлық колледжінің директорының оқу-тәрбие жұмысы жөніндегі орынбасарының міндетін атқарушы А.Сыздықов және Жастар ресурстық орталығының директоры Е.Әбдешов қатысып, жарысқа қатысушы спортшыларға сәттілік тіледі. Шиелі аудандық АИТВ-инфекциясының алдын алу орталығының маманы Б.Парманқұлов марафонға қатысушыларға АИТВ-ның алдын алуға бағытталған тақырыптық парақшалар таратты.
Марафон Ы.Жақаев ауылына кіре берістен бастау алып, Тәуелсіздік көшесі бойымен Яссауи көшесіне дейінгі 3 шақырымдық аралықта өткізілді. Марафонға 100-ге жуық аудан жастары қатысып, бақ сынады.
Жарыс жеңімпаздарына ұйымдастырушылар тарапынан қаржылай сыйлықтар мен дипломдар берілді. Үздік келген спортшыларға арнайы алғыс хат табысталды.
https://korda-aids.kz/kz/2018-09-21-12-24-32/1304-shieli-marafon-2024#sigFreeId27260a2ee5
