ЖИТС-тің алдын алу және оған қарсы күрес жөніндегі облыстық орталықтың Шиелі ауданындағы филиалы мен аудандық білім бөлімінің біріккен іс-шаралары жоспарының негізінде, АИТВ/ЖИТС-тің алдын алу, салауатты өмір салтын насихаттау мақсатында Байсын ауылындағы №207 орта мектепте «Әр адамның денсаулығын қорғау үшін, әр адамның құқығын қорғау қажет» тақырыбында оқушылармен кездесу болып өтті. Іс-шараның негізгі мақсаты АИТВ-ның алдын алу, жастар арасында жауапты мінез құлық қалыптастыру және АИТВ-мен өмір сүретін адамдардың проблемаларына назар аудару, кемсітушілікке жол бермеу, АИТВ-мен өмір сүруші адамдардың осалдығына әсер ететін және АИТВ-мен өмір сүруші адамдардың медициналық қызметтерге қол жеткізуіне кедергі келтіретін факторларды жою. Сонымен қатар жастар мен жасөспірімдер арасында АИТВ-ның алдын алу, салауатты өмір салтын ұстану барысы түсіндірілді. Іс-шара барысында қатысушыларға түсіндірме жұмыстары жүргізіліп, сұрақ-жауап алмасып, ақпараттық парақшалар таратылып, қорытындыланды.
https://korda-aids.kz/kz/2018-09-21-12-24-32/1193-aitv-ny-aldyn-alu-sharalaryna-bajlanysty-t-sindirme-zh-mystary#sigFreeId9bf9c4cfc3
