ҚР ДСМ-нің Қазақ дерматология және инфекциялық аурулар Ғылыми орталығының тапсырмасына сәйкес 2023 жылдың 14-ші желтоқсанында ЖИТС-тің алдын алу және оған қарсы күрес жөніндегі облыстық орталығында қалалық медициналық-санитарлық алғашқы көмек мекемелерінің ана мен бала жөніндегі орынбасарлары мен осы сұрақтаға жауапты мамандардың және облыстық перинаталды орталықтың мамандарының қатысуымен «Акушерлік-гинекологиялық қызметімен және босандыру мекемелерімен жүкті әйелдерді есепке қою кезінде және босануға түсу уақытында АИТВ-ға тестілеу мәселелері бойынша» бірлескен кеңес ұйымдастырылды.
Бірлескен кеңес барысында облысымызда АИТВ-инфекциясының індеттік ахуалы, таралу жолдары мен алдын алу шаралары, сонымен қатар, АИТВ-инфекциясының анадан балаға берілуінің алдын алуда жүкті әйелдерді және олардың жыныстық серіктестерін АИТВ-инфекциясына тексеру жұмыстары,оның ішінде қалалық МСАК ұйымдарымен 2023 жылдың 10 айында атқарылған жұмыстарының көрсеткіштері қаралды.
Кеңес барысында жүкті әйелдердің босану мекемелеріне түсу барысында АИТВ-инфекциясына тестілеу жұмыстары, сонымен қатар, облысымызда орын алған апаттық жағдайлар, медицина қызметкерлері арасында кәсіптік жұқтырудың алдын алу және байланыстан кейінгі алдын алу шаралары, Р-24 вирустық антигенін және бірінші және екінші үлгідегі АИТВ-ға антиденелереді анықтайтын экспресс-тестпен АИТВ-инфекциясына эпидемиологиялық көрсетілімдер бойынша тексерілетін контингенттер мен АИТВ-инфекциясының зертханалық диагностикасы,оның ішінде жедел-тест қою әдісі және АИТВ-ның анадан балаға берілуінің алдын алу жағдайы мен
жүкті әйелдердің антиретровирусты терапия мәселелері талқыланды .
ЖИТС орталығының эпидемилогиялық
қадағалау бөлімінің меңгерушісі
С.Балыкбаева
https://korda-aids.kz/kz/2018-09-21-12-24-32/1128-zhits-ortaly-ynda-birlesken-ke-es-tkizildi#sigFreeIdbbf8a32116
