«AMANAT» партиясының «Бақытты отбасы» жобасы аясындағы жыл сайынғы «Баланы мектепке дайындық» акциясы бастау алды. Партия тарапының бастамасымен бірнеше жыл дәстүрлі түрде ұйымдастырылып жүрген акция еліміздің келешегі, оқушылардың сапалы білім алуына, қажетті құрал-жабдықтармен қамтылуына жол ашып отыр.
Осы орайда, бүгін партияның Қызылорда қалалық филиалының «Үміт» бастауыш партия ұйымының төрайымы, Қызылорда облыстық АИТВ инфекциясының алдын алу орталығының дәрігері Гүлстан Мақсұтова, аз қамтылған және көп балалы отбасылардан шыққан, жетім және ата-анасынын, қамқорлығынсыз қалған балаларға әлеуметтік көмек көрсетті.
«Біздің ортақ міндетіміз – әр кішкентай отандасымыздың бақытты балалық шағын қамтамасыз ету. Осы орайда, акция аясында “материалдық көмек көрсетемін” деген жанашыр, жомарт жүрек адамдар болса балаларға көмек беруге шақырамыз», – деп атап өтті Гүлстан Мақсұтова.
«AMANAT» партиясы мен Қызылорда облыстық АИТВ инфекциясының алдын алу орталығының «Үміт» бастауыш партия мүшелерімен ұйымдастырып отырған игі бастамалар тұрақты түрде көрсетілуде. Мұндай қайырылымдық іс-шаралар алдағы уақытта да жалғасын табады.
