Қызылорда облыстық АИТВ инфекциясының алдын алу орталығы базасында жалпы тәжірибелік дәрігерлер арасында АИТВ инфекциясының алдын алу, ерте анықтау және науқастарға медициналық көмек көрсету сапасын арттыру мақсатында семинар ұйымдастырылды.
Семинар барысында мамандар АИТВ инфекциясының эпидемиологиялық ахуалы, диагностика мен емдеудің заманауи тәсілдері, сондай-ақ алдын алу шаралары бойынша өзекті ақпараттармен бөлісті. Қатысушылар кәсіби тәжірибе алмасып, саладағы маңызды мәселелерді талқылады.
Іс-шараның басты мақсаты – алғашқы медициналық-санитариялық көмек деңгейінде АИТВ инфекциясының алдын алу жұмыстарын күшейтіп, халыққа көрсетілетін медициналық көмектің сапасын жетілдіру.
