2023 жылдың 8 сәуір күні облыстық АИТВ инфекциясының алдын алу орталығының ұйымдастыру - әдістемелік бөлімінің меңгерушісі Ж.Утепова, эпидемиологиялық бөлімнің меңгерушісі С.Балықбаева мен емдік бөлімінің дәрігер - инфекционисті А. Балмаханованың ұйымдастыруымен Қызылорда облысының денсаулық сақтау басқармасының «Бейресми оқыту ұйымдастыру туралы» 2026 жылғы 30 қаңтардағы № 43 бұйрығы мен «БМСК ұйымдарындағы жалпы тәжірибелік дәрігерлер арасындағы семинар және аттестация өткізу туралы» 2026 жылғы 30 қаңтардағы № 42 бұйрығына сәйкес, Қызылорда қалалық № 3 медицина қызметкерлері арасында семинар - сабақтар өткізілді.
Семинар барысында, «АИТВ - мен өмір сүретін адамдарды емдеу: ВИЧ/гепатит, жүрек - қан тамырлары, онкологиялық, неврологиялық, психиатриялық, акушерлік - гинекологиялық, өкпе, нефрологиялық және басқа да АИТВ - мен байланысты ауруларды диагностикалау және емдеу», «АИТВ мерездің, вирустық гепатиттердің анадан балаға берілуінің профилактикасы» және «АИТВ - мен өмір сүретін адамдарға қатысты стигма мен кемсітушілік мәселелері» туралы презентациялар жасалды.
Іс - шараның басты мақсаты - медицина қызметкерлеріне АИТВ - мен өмір сүретін адамдарға кешенді көмек көрсету бойынша білім беру, медицина саласында адам құқықтарын сақтау, кемсітушілікті болдырмау және АИТВ - мен өмір сүретін азаматтардың өмір сапасын арттыру.
Семинар ашық форматта өтті. Қатысушылар семинар барысында өз тәжірибелерімен бөлісіп, сұрақтарына жауап алды.
Семинар соңынан жалпы тәжірибелік дәрігерлер арасында аттестация өткізіліп, білімдері қорытындыланды.
