Облыстық АИТВ-инфекциясының алдын алу орталығының Шиелі ауданындағы филиалы мен аудандық емхананың жастар денсаулық кабинетінің мамандарының ұйымдастыруымен № 127 мектеп-лицейінің оқушылары арасында кездесу болып өтті. Кездесудің басты мақсаты оқушылар арасында АИТВ мен ЖЖБА-ның алдын алу бағытында ақпараттық сауаттылығын арттыру. Іс-шара барысында аудандық емхананың акушер маманы С.Байжекенова, жастар денсаулық кабинетінің маманы Ұ.Нұрымбетова мен облыстық АИТВ-инфекциясының алдын алу орталығының Шиелі ауданындағы филиалының маманы У.Райым АИТВ мен ЖЖБА-ның алдын алу шаралары мен салауатты өмір салты тақырыбында ақпараттық түсіндірме жұмыстарын жүргізді.
