Облыстық АИТВ-инфекциясының алдын алу орталығының Шиелі ауданындағы филиалы мен аудандық білім бөлімінің біріккен жоспарының негізінде Досбол би ауылындағы
№ 155 мектепте оқушылар арасында АИТВ-ның алдын алу, салауатты өмір салтын насихаттау, жауапты мінез құлық қалыптастыру мақсатында кездесу өткізілді. Облыстық АИТВ-инфекциясының алдын алу орталығының Шиелі ауданындағы филиалының мамандары Б.Парманқұлов пен У.Райым АИТВ-инфекциясының індеттік ахуалы мен жұғу жолдары және алдын алу шаралары туралы мағұлматтар берді. Мектеп аяжаны А.Есенкелдиева салауатты өмір салты, жауапты мінез құлық тақырыбында түсіндірме жұмыстарын жүргізді. Іс-шара соңында ақпараттық парақшалар таратылып, сұрақ жауап алмасты.
