2026 жылдың 20-22 мамыр аралығында «Қызылорда облыстық АИТВ инфекциясының алдын алу орталығының» ұйымдастыру әдістемелік бөлімінің меңгерушісі Ж.Утепова, эпидемиологиялық бақылау бөлімінің меңгерушісі С.Ш.Балықбаева, емдік-көмек бөлімінің меңгерушісі Л.К.Мүсрепованың қатысуымен "Шиелі аудандық ауруханасы" ШЖҚ КМК ұйымдастыру-әдістемелік көмек көрсетіліп, АИТВ инфекциясының алдын алуда атқарылған жұмыстары сараланды. Саралау жұмыстарын жүргізу барысында, Шиелі аудандық емхана мен аурухана, «Н.Бекежанов» атындағы дәрігерлік амбулаториясына әдістемелік көмек көрсетіліп, медициналық қызметкерлер тарапынан туындаған сұрақтар бойынша семинарлар өткізілді.
Семинар барасында, Қазақстан Республикасы және Қызылорда облысындағы АИТВ инфекциясы бойынша эпидемиологиялық ахуал, жұғу жолдары, алдын алу шаралары, кәсіптік жұқтырудың алдын алу шаралары, қанды алу, сақтау және тасымалдау барысына қойылатын талаптар, жедел тест қоюға қойылатын талаптар және стигма, дискриминацияның алдын алу туралы ақпараттар айтылды.
