Қызылорда облыстық АИТВ инфекциясының алдын алу орталығының Арал ПӘК кабинетінің мейіргері Н.Бекжанова А.Байтұрсынов ауылдық емханасында орта буын медицина қызметкерлері арасында экспресс-тест әдістерінің маңызы мен қолданылуы тақырыбында түсіндірме жұмыстарын жүргізді.
Іс-шара барысында экспресс-тест әдістерінің ерекшеліктері, қолдану тәртібі, нәтижелерін бағалау және АИТВ инфекциясын ерте анықтаудағы маңызы туралы ақпарат берілді.
Сонымен қатар, медицина қызметкерлеріне экспресс-тестілеу кезінде сақталуы тиіс талаптар түсіндіріліп, қатысушылардың сұрақтарына жауаптар берілді.
Экспресс-тестілеу – АИТВ инфекциясын дер кезінде анықтауға мүмкіндік беретін тиімді әдістердің бірі. Медицина қызметкерлерінің бұл бағыттағы білімін жетілдіру халыққа көрсетілетін профилактикалық және медициналық көмектің сапасын арттыруға ықпал етеді.

