7 - сәуір Дүниежүзілік денсаулық күніне орай облыстық АИТВ инфекциясының алдын алу орталығының Шиелі ауданындағы филиалының ұйымдастыруымен аудандық көпбейінді ауруханасына қарасты Болашақ дәрігерлік амбулоториясында білікті дәрігерлердің ашық есік күні өткізілді. Бұл күні әрбір тұрғынға ерекше көңіл бөліп, жауапты мамандар жеке қабылдап, қажетті кеңеспен көмек берілді. Ашық есік күнінің басты мақсаты тұрғындарға жайлы орта қалыптастыру, денсаулыққа бейжай қарамау. Келген тұрғындар өз кезегімен сапалы кеңес алды.
