АИТВ инфекциясының алдын алу орталығы Қазалы филиалының меңгерушісі П. Жолдыбаеваның ұйымдастыруымен Қазалы ауданы Пірімов дәрігерлік амбулаториясының медицина қызметкерлері арасында АИТВ инфекциясына клиникалық көрсетілім бойынша тексеру тақырыбында түсіндіру іс-шарасы өткізілді.
Іс-шараның негізгі мақсаты – АИТВ инфекциясының алдын алу шараларын күшейту, медицина қызметкерлерінің кәсіби білімін жетілдіру және клиникалық көрсетілімдер бойынша уақтылы тексерудің маңыздылығын түсіндіру.
Шара барысында медицина қызметкерлеріне АИТВ инфекциясына тексеру жүргізу кезінде қолданылатын АХЖ-10 кодтары көрсетілген жадынамалар таратылды. Сонымен қатар қатысушылардың сұрақтарына жауап беріліп, тақырып бойынша түсіндірме жұмыстары жүргізілді.
Іс-шараға барлығы 10 медицина қызметкері қатысты.
