2026 жылдың 25-ші ақпанында Қызылорда облыстық АИТВ инфекциясының алдын алу орталығының ұйымдастыруымен облыстық білім басқармасына қарасты арнайы орта колледждердің тәрбие жұмысына жауапты мамандардың арасында семинар-сабақ ұйымдастырылды.
Семинарға қатысушыларға АИТВ инфекциясы бойынша дүниежүзіндегі, республикадағы, облысымыздағы эпидемиологиялық жағдайы, АИТВ/ЖЖБИ жұғу жолдары, клиникасы, емі, зертханалық диагностикасы, алдын алу шаралары, АИТВ-жұқтырғандар арасында стигма, дискриминацияны болдырмау бойынша мағұлмат берілді.
Сонымен қатар,семинар барысында жастар мен жасөспірімдерді зиянды әдеттерден сақтандыру, салауатты өмір салтына бағыттау, АИТВ-ның алдын алу шараларын насихаттау, жасөспiрiмдер мен жастардың бойында АИТВ мен ЖЖБИ жұқтыруға кедергi келтiретiн мiнез-құлық стереотипiн қалыптастыруда білім саласы қызметкерлерінің атқаратын ролі зор екенін және осы бағытта АИТВ орталығының мамандарымен бірлесе түсіндірме жұмыстарын жүргізу қажеттігі айтылды.
Семинар аясында қазіргі таңдағы АИТВ-инфекциясын ерте анықтайтын замануи капиллярлық және сілекейлік жедел-тестілер туралы және оларды қою ережелері бойынша практикалық сабақ көрсетіліп, қатысушылар арасында ақпараттық- білім беру материалдары таратылып, соңында қойылған сұрақтарға жауаптар берілді.
Балыкбаева С-эпидемиологиялық қадағалау
бөлімінің меңгерушісі
